بانوهات الڤيوتك انتشرت بشكل واسع في الفترة الأخيرة، لأنها بتعيد الطابع الكلاسيكي الأنيق لبانوهات الجبس والخشب لكن بماتريال حديث وجودة أعلى.
الفرق بين الڤيوتك والخشب والجبس
- المادة: الڤيوتك مصنوع من فوم مضغوط مقاوم للرطوبة والحشرات.
- المتانة: لا يتأثر بالزمن ولا تظهر فيه شروخ مثل الجبس.
- الفينيش: تشطيبه النهائي أنعم وأرقى من الخشب والجبس.
لكن.. أي خطأ في تنفيذ بانوهات الڤيوتك بيظهر بشكل بشع، وبيخلي النتيجة غير مرضية. عشان كده لازم تتجنب الأخطاء الشائعة وتلتزم بالنصائح التالية:
نصائح هامة عند تركيب بانوهات الڤيوتك
- ارسم تصميم تخيلي للحيطة قبل التنفيذ واضبط أماكن علب الكهرباء.
- تأكد إنك بتشتري ڤيوتك مش بيوتك، لأن البيوتك أقل جودة.
- اختار صنايعي شاطر بيشتغل بميزان ليزر.
- لو مساحة البانوه صغيرة، متعملش بانوهين جوه بعض.
- الزوايا تتركب فقط في المساحات الكبيرة، وفي الصغيرة لازم تتشطف 45°.
- لازم الصنايعي يمسح المعجون من على الأعواد بقطعة مبلولة قبل ما ينشف.
- النقاش يلقط مكان المسمار بس، من غير ما يسحب أو يصنفر الأعواد.
- لون الفيوتك يكون نفس لون الحيطة بالكامل.
- متدهنش داخل البانوه بلون مختلف عن الحيطة.
- متسمعش للي يقولك تركب استيل بين البانوهات.
- خلي دايماً تصميمك بسيط.. الجمال في البساطة.