لي تشتغل مع كهربائي منازل شركة المجد
1 اولا بنستخدم اعلى خامات فى السوق وهى اسلاك السويدى
الاصليه وخراطيم مصطفى محمود 👌
2 لازم نشتغل على شيرب من منسوب التشطيب ودا عشان نحدد كويس كل حاجه على ارتفاع كام وليه
3 بنرفع مقاسات الشقه كامله وبنرسم كل الفرش للغرف والحمامات والمطابخ لتوزيع الكهرباء والسباكه بشكل صحيح على حسب وظيفة كل فراغ
4 بنحدد لوحة التوزيع الرئيسيه وبنقسمها لقواطع ويتم تخصيص مفتاحان (قاطعان) لكل فراغ واحد للاناره وواحد للبرايز وقاطع خاص لكل جهاز تكيف واخر للتيارات الخفيفه
5 يتم تحديد جميع المخارج لليرايز والمفاتيح على الحوائط وتمرير الخراطيم من القواطع الى الارض ثم الى المخارج
6 تثبيت البواطات للبرايز والمواسير وسحب الاسلاك
7 كهربائي منازل من شركة المجد بتقولك اتاكد من عمل كل مخارج التليفون والدش والنت
8 ما هو السلك المناسب للشقة حسب الاستخدام على سبيل المثال
-التكيفات بنستخدم سلك 6 او 4 ملي على حسب قدرة التكيف
-السخان بنستخدم سلك 4 مم
-البرايز العاديه 3 مم
-اسلاك الاناره بتكون 2 مم
9 ما هو استخدم الخراطيم المناسبه للكهرباء لكل استخدام مثل
1 – 16 مم للمصابيح والمراوح
2 – 19 مم للسخان
3 – 23 مم لزوم التكيف
4 – 29 مم لزوم الاسانسير
كهربائي منازل هتقؤلك تفاصيل بسيطة هتفرق معاك وانت بتشطب
ايه هي الحاجات الصغيرة العامة اللي لازم تبقي واخد بالك منها وانت بتشطب ..
👈أولا: مرحلة التأسيس ودي بتتكون من حاجتين مهمين جدا:
1-تأسيس الكهرباء
2- تأسيس السباكة
❇تأسيس الكهرباء:
مراحل تاسيس الكهرباء تأتي في نفس أهمية بند تأسيس السباكة ولازم تاخد بالك وانت بتعملها من الاتي:
أولا: لازم يبقي معاك رسمة واضح عليها كل النقط والفيش و أماكن السخانات والغسالات والتكييفات والتليفون والتليفزيون …الخ
ثانيا: خد بالك من مناسيب النقط بتاعتك .. تجيبها ازاي؟ من نفس المنسوب اللي اشتغلت عليه في بند السباكة.
ثالثا: وزع نقط بزيادة في المكان وخصوصا في المطبخ .. أولا مش هتخسر كتير .. ثانيا عشان لو فيه ما بعد حبيت تغير حاجة مكان حاجة أو زودت حاجة يبقي معمول حسابها.
رابعا: وانت بتشتري الخامة بتاعتك .. يفضل يكون من مكان ذو سمعة طيبة لأن الخامة المضروبة والغير أصلية انتشرت جدا في السوق (أيا كان النوع).
خامسا: لازم تبقي عارف ان كل نقطة بتختلف عن الثانية في الحساب .. بمعني ان نقطة الانارة غير نقطة التكييف غير نقطة السخان وهكذا .. اتفق علي كل حاجة من أول يوم.
سادسا: لو ناوي تركب سخان فوري .. لازم تبقا عارف سلك تغذية السخان الفوري تكون بسلك 6مم وليس 3مم كما يعتقد البعض.
سابعا: الاجهزة الثقيلة يفضل يكون ليها خط منفصل علي اللوحة مباشرة (مثال: التكييف والغسالة ..الخ)
ثامنا: لو ناوي تعمل تعمل جيبسوم بورد في المستقبل .. متنساش تعمل حسابك في المواسير الواصلة لمكان الجيبسوم بورد.
تاسعا وأخيرا: لو مجبر علي أماكن حوامل التكييفات زي معظم الكمباوندز في مصر .. ماهي أماكن حوامل التكييفات يفضل ساعتها انك تأسس مواسير التكييفات بتاعتك قبل أعمال الارضيات والمحارة.
❇تأسيس السباكة:
مرحلة تأسيس السباكة تعتبر من أهم البنود اللي محتاجة تركيز كبير جدا أثناء التنفيذ واختيار الخامة. والاتي ما هي اهم الحاجات اللي تاخد بالك منها:
أولا: لازم يبقي معاك رسمة للحمامات والمطبخ موضح عليها بظبط وبالمقاسات أماكن كل حاجة (مثل: الحوض / القواعد / البانيوهات / السخان / الغسالة / غسالة الأطباق / صرف التكييفات).
ثانيا: خد بالك من مناسيب المواسير اللي بتتأسس ودا عن طريق (الشرب) وفي الاغلب بتجيبه بميزان خرطوم من صدفة السلم الرخام. طب لو لسا السلم متشطبش ومفيش لسا رخام؟ ساعتها بص علي ماسورة قاعدة الحمام الداخلة من الواجهة او المنور وقم بقياس 25سم منها .. تقريبا دا بيبقي منسوب التشطيب بتاعك.
ثالثا: اهتم جدا ب عزل الحمامات والمطبخ لأن مشاكل القصة دي بتبقي كبيرة جدا علي المدي البعيد .. يفضل عزل الارضيات بألواح الرول البيتومينية سمك 3مم مع عزل الحوائط بالبيتومين السائل المؤكسد (وجهين متعامدين علي بعض) لارتفاع لا يقل عن 2 متر في الحوائط.
رابعا: تركز مع المهندس أو الفني عشان كل نوع من الاجهزة الصحية بيبقي ليه طريقة تركيب. (مثال: تركيب القواعد المعلقة غير القواعد العادية / البانيو القدم غير الشاور وهكذا ..) وتبقي عارف منه هيعمل ايه بظبط قبل ما يبدأ شغل.
خامسا: بعد ما المواسير كلها بتركب لازم تتكبس ويفضل الشركة المصنعة للمواسير هي اللي تيجي تكبس .. الموضوع سهل وبسيط كل ما عليك انك تكلم الشركة تقدم طلب وهيبعتولك حد وبعدها بحوالي أسبوع تروح تستلم الشهادة ..
سادسا وأخيرا: يفضل تشطيب السباكة وتركيب الاجهزة الصحية المختلفة (مثال القاعدة والحوض) في الاخر خالص عشان مفيش حاجة تتكسر.