شويه نصايح تشطيب حتنفعك في تشطيب الحمام والمطبخ 👌🏼
الشياكه في البساطة ✨
لو عاوز حمام فندقي يبقي لازم تجيب:
• قاعده معلقة
• وحده حوض
• باب الحمام يكون خشب 🙋🏻♀️
مواسير التغذيه والصرف
هات اكوا ثيرم أو بي ار أو الشريف، وهات الشركة تكبس علشان نطمئن. بس لو ضامن السباك وعندو ماكينة كبس هو يبقى أفضل.
الأرضيات والسيراميك
• لو هتركب سيراميك أبيض بلاش تركبه بمونة سوداء عشان في أنواع بتتشرب اللون وبتغير لونها
• متركبش الأرضيات سيراميك مط علشان حيتعب المدام ومبيبنش فيه نضافة
• لو حتركب سيراميك بلاطات كبيرة أو مقاسات صغيرة جدا لازم تمحر الحوائط الأول
• البورسلين مابيركبش بمونة.. البورسلين مابيركبش بمونة. اوعى تركب بورسلين بدون فواصل 2 مم على الأقل
• علشان تركب بورسلين في الأرضية لازم الصنايعي يدرع الأرضية الأول وبعد كده يركب بمادة لاصقة
العزل والصيانة
• اللي يقولك عزل الحمام مالوش لازمة قوله شكراً للنصيحة بعد ما تقوله شكراً اعزل الحمام برضه
• لما تعزل الحمام اعزل 30 سم على الأقل من أسفل الحوائط
• متخليش الصنايعية يخمروا المونة جنب الحوائط أبدا
• السيفون المدفون بيتعمله صيانة عادي على فكرة
الإضاءة والتفاصيل
• اعمل إضاءة أسفل وحدات المطبخ العلوية
• كابينة شاور الحمام الزجاج السيكيوريت أشيك من الأكريليك
• مراية الحمام لازم تكون حاجه شيك جدا علشان دي اللي حتنور…
• صور مسارات السباكة والكهرباء عشان لو حبيت تخرم في الحوائط بعد كدة
عند تأسيس السباكة في شقتك يجب مراعاة النقاط التالية:
- البلاعة (الدرين)
- اختر “صفايه مودرن” شكلها مربع لافتتاحية عصرية.
- دوش خارجي أم دفن؟
- الدفن “شيك” لإطلالة راقية،
- الخارجي “عملي” لتغييره بسهولة لاحقاً.
- قاعدة التواليت
- “قاعدة دفن” لإضافة لمسة جمال واتساع للحمام.
- “القاعدة الخارجية” عملية أكثر ويحدد شكلها في مرحلة التأسيس.
- كابينة الشاور أم البانيو؟
- كابينة الشاور “شيك” وتناسب المساحات الصغيرة.
- البانيو “عملي” للراحة والاستجمام.
- وحدة الحوض
- “وحدة حوض” تضيف فخامة.
- للمزيد من العملية اختر حوض رخام وليس خشب.
💥 نصائح مهمة عند شراء السيراميك والبورسلين 💥
▪ بلاش الأرضيات الغامقة
▪ بلاش الأرضيات المط عشان مش بيبان فيها نظافة وهيتعبك في التنظيف
▪ لو هتجيب بورسلين يتركب صح بصلايب ومادة وأديبوند غير كده بيفك ويطلع من مكانه
▪ لو هتجيب بورسلين الأسباني ثم الهندي
▪ ترتيب الشركات في السيراميك:
- الجوهرة بلا منازع
- كيلوباترا
- ارت
- بلاتينو
- رويال
- فيردى
- ليسكو
- فينسيا
- ثم بعد كده ترتيب عشوائي
▪ لو جبت سيراميك حوائط أكتر من 75 سم لازم تمحر الحمام أو المطبخ تربيع وتأكيس ويتركب بمادة زي (سافيتو أو استوكس يو)
▪ ما تسترخسش في السيراميك عشان يعيش معاك
▪ لازم صنايعي نظيف محترم يركب وتتأكد إنه البلاطة كلها اتملت مونة والحوائط يملاها كويس
▪ لو لا قدر الله هتركب سيراميك مط قول للصنايعي يسقي أول بأول ما يسقيش لباني لأنه هيجير ومش هينضف
▪ بلاش بورسلين بالمطابخ بيزحلق ست البيت وهيعمل مشاكل
▪ سيراميك الباركيه حلو لو اتركب صح وبلاش المط أو الخشن خليه وسط عشان ما يجيرش
☎️ للمزيد من الاستفسارات: 01014296110